AZƏRBAYCAN-TÜRKİYƏ İŞ ADAMLARI BİRLİYİNDƏ GÖRÜŞ

02.11.2006 [22:43]
Çap et
A⁺ A^-

AZƏRTAC xəbər verir ki, ölkəmizdə səfərdə olan Türkiyənin təhsil naziri Hüseyin Çelik ilə noyabrın 2-də Azərbaycan-Türkiyə İş Adamları (ATİB) birliyində görüş keçirilmişdir.

ATİB-in sədri Əhməd Erentok qurumun fəaliyyəti barədə qonağa ətraflı məlumat vermişdir. Bildirmişdir ki, birlik Azərbaycanda Təhsil Televiziyasının yaradılması və ixtisaslı kadrların yetişdirilməsi üçün müvafiq təşkilatlarla əlbir işləyir, ermənilərin xalqlarımıza qarşı törətdikləri vəşhiliklərin dünya ictimaiyyətinə çatdırılması üçün yaradılan birgə komissiyanın işində yaxından iştirak edir.

Qonaq bildirmişdir ki, müstəqilliyini bərpa etdikdən sonra ümummilli lider Heydər Əliyevin yeritdiyi uğurlu daxili və xarici siyasət sayəsində Azərbaycan dinamik inkişaf yoluna çıxmışdır və Prezident İlham Əliyevin rəhbərliyi ilə bu istiqamətdə inamla irəliləyir. Bu inkişaf bütün sahələri, o cümlədən, təhsili də əhatə edir. O, son vaxtlar ölkəmizdə tikilən yeni məktəb binalarının bunun bariz nümunəsi olduğunu demişdir.

Sonda qonağa “Qarabağ tarixi” kitabı və digər xatirə hədiyyələri təqdim edilmişdir.