AZƏRBAYCAN VƏ QAZAXISTAN YIĞMA FUTBOL KOMANDALARI ARASINDA GÖRÜŞ HEÇ-HEÇƏ BAŞA ÇATMIŞDIR
AZƏRTAC xəbər verir ki, iyunun 6-da Azərbaycanın yığma futbol komandası Avropa çempionatının seçmə qrup mərhələsi çərçivəsində Almatıda Qazaxıstan komandası ilə qarşılaşmışdır.
Azərbacan futbolçuları artıq görüşün əvvəlində fərqlənə bilərdilər. Lakin Vüqar Nadirovun zərbəsindən sonra top qapı tirindən dönmüşdür. Bununla belə, 31-ci dəqiqədə Ceyhun Sultanovdan ötürmə alan V.Nadirov qarşısıalınmaz zərbə ilə Azərbaycan yığmasını hesabda irəli çıxarmışdır.
Birinci hissənin sonunda Qazaxıstan komandasının oyunçusu Maksim Jalmaqambetov qırmızı vərəqə ilə cəzalandırılaraq meydandan qovulmuşdur. Meydan sahibləri oyunu 10 nəfər azlıqda davam etdirsələr də 53-cü dəqiqədə Ruslan Baltiyev hesabı bərabərləşdirməyə müvəffəq olmuşdur - 1:1.
Bu komandalar arasında Bakıda keçirilən ilk oyunda da 1:1 hesabı qeydə alınmışdı.
Bölmənin digər xəbərləri
