AZƏRBAYCAN VƏ TÜRKİYƏ YIĞMA KOMANDALARI HEÇ-HEÇƏ OYNAMIŞLAR
AZƏRTAC xəbər verir ki, Trabzon şəhərində Azərbaycan və Türkiyənin 19 yaşlı futbolçularından ibarət yığma komandaları arasında yoldaşlıq görüşü keçirilmişdir. Oyun 1:1 hesabı ilə başa çatmışdır. Yığma komandamız qonşu ölkəyə yola düşməzdən əvvəl, sentyabrın 2-də Tovuzun “Turan” klubu ilə də heç-heçə oynamışdı (1:1).
Baş məşqçi Arif Əsədovun yetirmələri Türkiyə yığması ilə növbəti yoldaşlıq görüşünü sentyabrın 7-də keçirəcəklər.
Bu oyunlardan məqsəd oktyabrın 27-dən noyabrın 1-dək Kiprdə keçiriləcək Avropa çempionatının seçmə yarışlarına hazırlaşmaqdır. Azərbaycan yığması bu mərhələdə Kipr, Macarıstan və Ermənistan futbolçuları ilə qarşılaşacaqdır.
Bölmənin digər xəbərləri
