Azərbaycan vətəndaşları üçün Vyetnama viza verilməsi qaydaları sadələşdirilmişdir
Bakı, 31 oktyabr (AZƏRTAC). Vyetnamın Azərbaycanda səfirliyi olmadığından bu ölkəyə səfər etmək istəyən Azərbaycan vətəndaşları viza almaqda çətinliklə üzləşirdilər. Məsələ ilə bağlı Azərbaycanın Vyetnamdakı səfirliyi bu ölkənin Xarici İşlər Nazirliyində keçirilən görüşlər zamanı Azərbaycan vətəndaşlarının Vyetnama viza alması prosedurlarının sadələşdirilməsi məsələsini qaldırmışdır.
Xarici İşlər Nazirliyinin mətbuat xidmətindən AZƏRTAC-a verilən məlumata görə, aparılan məsləhətləşmələr nəticəsində Azərbaycan vətəndaşlarına viza verilməsi qaydaları sadələşdirilmişdir. Vyetnam aeroportlarında Azərbaycan vətəndaşları üçün viza rəsmiləşdirilməsi həyata keçirilə biləcəkdir. Bunun üçün Vyetnam turizm şirkətləri tərəfindən müvafiq səyahət sənədlərinin təqdim olunması kifayətdir.
Bölmənin digər xəbərləri
