Azərbaycan xalqı yenilməzliyini və iradəsini bütün dünyaya nümayiş etdirdi
Bakı, 20 yanvar (AZƏRTAC). 20 Yanvar faciəsi bəşəriyyətə, humanizmə, insanlığa qarşı yönəldilmiş ən qanlı terror aktlarından biridir.
Bu sözləri Şəhidlər xiyabanını ziyarət edən “Kapitalbank” ASC-nin əməkdaşı Yadigar Cəfərov demişdir.
Bildirmişdir ki, 20 Yanvar heç zaman unudulmayan bir tarixdir. Bu, artıq tənəzzülə uğrayan keçmiş sovet imperiyasının insanlığa qarşı həyata keçirdiyi qanlı və amansız aksiyası idi. Xalqımız böyük itkilər verdi. Lakin bu gün xalqımızın həm hüzn, həm də şərəf günüdür. Həmin gecə Azərbaycan xalqı yenilməzliyini və iradəsini bütün dünyaya nümayiş etdirdi.
Allah şəhidlərimizə rəhmət eləsin.
Bölmənin digər xəbərləri
