AZƏRBAYCAN XƏRİTƏÇƏKMƏ SAHƏSİNDƏ MDB-DƏ BİRİNCİ YERİ TUTUR
Bu barədə AZƏRTAC-a məlumat verən Dövlət Torpaq və Xəritəçəkmə Komitəsinin (DTXK) sədri, akademik Qərib Məmmədov bildirmişdir ki, naillyyətlərin kökündə ulu öndər Heydər Əliyevin uzaqgörənliyi durur.
Komitə sədri demişdir ki, sovet sistemi dağıldıqdan sonra digər respublikalardan fərqli olaraq ümummilli lider Heydər Əliyevin göstərişinə əsasən Azərbaycanda geodeziya və kartoqrafiya sistemi Torpaq Komitəsi ilə birləşdirilmişdir. Hazırda Moldova, Ukrayna, Belarus və Qazaxıstan Azərbaycanın təcrübəsindən bəhrələnərək özlərində həmin sistemi tətbiq edirlər.
Xəritəçəkmə və daşınmaz əmlakın qeydiyyatı ilə əlaqədar Dünya Bankı tərəfindən respublikamıza verilən 38 milyon ABŞ dolları məbləğındə vəsaitin 15 milyonunun məhz DTXK üçün nəzərdə tutulduğunu vurğulayan Q.Məmmədov qeyd etmişdir ki, həmin vəsaitlə geodeziya, topoqrafiya, kartoqrafiya və torpaq kadastrı inkişaf etdiriləcəkdir.
Müasir naviqasiya sisteminin də qurulacağını diqqətə çatdıran Qərib Məmmədov, bu sistemdən həm avia, həm də kosmik çəkilişlər zamanı istifadə olunacağını vurğulamış və məlumat vermişdir ki, ölkədə 40 naviqasiya məntəqəsinin qurulması planlaşdırılır. Bu, MDB məkanında ilk təşəbbüsdür.
Bölmənin digər xəbərləri
