Azərbaycanda altı ayda 158,9 kilometr uzunluğunda avtomobil yolları yenidən qurulub
Bakı, 19 iyul, AZƏRTAC
Azərbaycan Avtomobil Yolları Dövlət Agentliyi tərəfindən cari ilin 6 ayı ərzində 158,9 kilometr uzunluğunda avtomobil yolları, prospekt və küçələr tikilib, yenidən qurulub və təmir olunub.
Agentlikdən AZƏRTAC-a bildirilib ki, bura yerli əhəmiyyətli 90,5 kilometr, Bakı şəhəri üzrə isə 68,4 kilometr yolları daxildir.
Hesabat dövründə Goranboy (16 kilometr), Abşeron (3,8 kilometr), Ağstafa (6 kilometr), Saatlı (3 kilometr), Yevlax (5,5 kilometr), Bərdə (8 kilometr), Beyləqan (8 kilometr) və Qazax (19 kilometr) rayonları ərazisində icra edilən 90,5 kilometr uzunluğa malik kəndlərarası avtomobil yolu layihələri başa çatdırılıb.
Bakıda ümumi uzunluğu 68,4 kilometr uzunluğu olan şəhər və qəsəbədaxili küçə və yolları yenidən qurulub və təmir olunub.
Bakının küçə və yollarında 324,2 min kvadratmetr sahədə asfalt-beton örtükdə cari təmir işləri yerinə yetirilib.
Respublikamızın ümumi istifadədə olan avtomobil yollarında 3 körpü təmir edilib, Bakı-Şamaxı-Yevlax avtomobil yolunun 14,9 kilometrdə yeni yerüstü piyada keçidinin tikintisi başa çatdırılıb.
Bölmənin digər xəbərləri
