Azərbaycanda mayın 31-dən iyunun 2-dək gözlənilən hava proqnozu açıqlanıb
Bakı, 30 may, AZƏRTAC
Ekologiya və Təbii Sərvətlər Nazirliyinin Milli Hidrometeorologiya Departamenti ölkə ərazisində mayın 31-dən iyunun 2-dək gözlənilən hava proqnozunu açıqlayıb.
Departamentdən AZƏRTAC-a verilən xəbərə görə, mayın 31-də Bakıda və Abşeron yarımadasında hava dəyişkən buludlu olacaq, əsasən yağmursuz keçəcək. Səhər bəzi yerlərdə zəif duman, çiskin olacaq. Şimal küləyi əsəcək, sürəti saniyədə 7-12, arabir 16 metr olacaq. İyunun 1-də cənub küləyi əsəcək, sürəti 8-13 metr/saniyə təşkil edəcək, iyunun 2-də arabir 15 metr/saniyəyədək güclənəcək. Havanın temperaturunun gecə 18-20°, gündüz 26-29° isti, iyunun 1-2-də 31°-dək isti olacağı proqnozlaşdırılır.
Azərbaycanın əksər rayonlarında mülayim, əsasən yağmursuz hava şəraiti gözlənilir. Lakin bəzi dağlıq ərazilərdə gecə və axşam lokal qısamüddətli yağış yağacağı, şimşək çaxacağı, dolu düşəcəyi ehtimalı var. Şərq küləyi əsəcək, sürəti saniyədə 5-10 metr/saniyə təşkil edəcək, ayrı-ayrı yerlərdə arabir güclənəcək. Havanın temperaturunun gecə 15-20°, gündüz 28-33°, dağlarda gecə 9-14°, gündüz 16-21° isti olacağı bildirilir.
Bölmənin digər xəbərləri
