AZƏRBAYCANDA TURİZMİN İNKİŞAF STRATEGİYASI HAZIRLANACAQ
AZƏRTAC xəbər verir ki, yaxın vaxtlarda Azərbaycanda 2006-2016-cı illərdə turizmin inkişaf strategiyası hazırlanacaqdır. Bu barədə jurnalistlərə məlumat verən mədəniyyət və turizm naziri Əbülfəs Qarayev bildirmişdir ki, həmin məqsədlə nazirlikdə xüsusi işçi qrupu yaradılmışdır. O demişdir ki, ötən il Azərbaycana gələn əcnəbi turistlərin sayı əvvəlki illərlə müqayisədə 3 faiz azalmışdır. Əsasən, Rusiya və İrandan gələn turistlərin sayının azalması müşahidə olunmuşdur. Lakin Dünya Turizm Təşkilatının məlumatına görə, belə azalma dinamikası özünü bir çox ölkələrdə, o cümlədən turizmin inkişaf etdiyi ölkələrdə də göstərmişdir.
Nazir vurğulamışdır ki, aprelin əvvəllərində Birləşmiş Ərəb Əmirliklərində ölkəmizin turizm potensialını əks etdirəcək Azərbaycan biznes forumu keçiriləcəkdir.
Bölmənin digər xəbərləri
