SİYASƏT
Azərbaycanın Avstriyadakı səfirliyində yaradılan seçki məntəqəsi prezident seçkilərinə hazırdır
Vyana, 30 mart, AZƏRTAC
Azərbaycanın Avstriyadakı səfirliyində yaradılmış seçki məntəqəsi aprelin 11-də ölkəmizdə keçiriləcək prezident seçkilərində seçicilərin öz iradələrini ifadə etməsi və səsvermə prosesində iştirakı üçün tam hazırdır.
AZƏRTAC xəbər verir ki, səfirlikdə 17 saylı Yasamal üçüncü seçki dairəsinin 36-cı seçki məntəqəsi yaradılıb.
Səfirlikdən bildiriblər ki, Azərbaycan Respublikası Prezidentinin 2007-ci il 26 fevral tarixli Fərmanı ilə təsdiq edilmiş “Azərbaycan Respublikasının Konsulluğu haqqında Əsasnamə”nin 4.12-ci maddəsinin, eləcə də Azərbaycan Respublikası Seçki Məcəlləsinin 2.3-cü maddəsinin tələblərini rəhbər tutaraq, konsulluqlar dairəsində yaşayan və müvəqqəti olaraq bu ölkədə səfərdə olan Azərbaycan vətəndaşlarının seçki hüquqlarının həyata keçirilməsi üçün bütün zəruri işlər görülüb və müvafiq şərait yaradılıb.
Elgün Niftəli
AZƏRTAC-ın xüsusi müxbiri
Vyana