Azərbaycanın azadlığı uğrunda canlarından keçən bu qəhrəmanlar gənc nəsil üçün örnəkdir
Bakı, 20 yanvar (AZƏRTAC). 1990-cı il yanvarın 19-dan 20-nə keçən gecə xalqımızın başına gətirilən bu ağır faciə heç kəsin yaddaşından silinməmişdir.
Bu sözləri 20 Yanvar - Ümumxalq Hüzn Günündə Şəhidlər xiyabanına ziyarətə gələn 173 nömrəli məktəbin ədəbiyyat müəllimi Kifayət İbrahimova AZƏRTAC-a müsahibəsində demişdir.
Həmin günlərin canlı şahidi olduğunu söyləyən Kifayət İbrahimova bir müəllim kimi məktəbdə şagirdləri bu faciə haqqında məlumatlandırdıqlarını, onları vətənpərvərlik ruhunda tərbiyə etdiklərini demişdir.
Bildirmişdir ki, Azərbaycanın azadlığı uğrunda canlarından keçən bu qəhrəmanlar gənc nəsil üçün örnək, onların rəşadəti gələcək nəsillər üçün əsl vətəndaşlıq məktəbidir.
Bölmənin digər xəbərləri
