Azərbaycanın beynəlxalq dərəcəli hakimi CEV tərəfindən yeni təyinat alıb
Bakı, 23 oktyabr, AZƏRTAC
Azərbaycanın beynəlxalq dərəcəli hakimi Konstantin Selin Avropa Voleybol Konfederasiyası (CEV) tərəfindən yeni təyinat alıb.
AZƏRTAC xəbər verir ki, həmyerlimiz Çağırış kubokunda kişi voleybolçuların yarışlarında mübarizə aparan İsrailin “Hapoel” və Türkiyənin “Halkbank” komandaları arasında keçiriləcək görüşləri idarə edəcək. Turnirin 1/16 final mərhələsinin ilk oyunları çərçivəsində noyabrın 5-də Ankarada təşkil olunacaq matçda K.Selin baş hakim olacaq. Ona albaniyalı Endri Zguri kömək edəcək. Bir həftə sonra Kfar-Saba şəhərində oynanılacaq cavab görüşündə həmyerlimiz baş hakim E.Zguriyə kömək edəcək.
Bölmənin digər xəbərləri
