Azərbaycanın daha bir güləşçisi dünya çempionatını gümüş medalla başa vurub
Bakı, 16 oktyabr, AZƏRTAC
Yunanıstanın paytaxtı Afinada veteran güləşçilər arasında dünya çempionatı davam edir. Azərbaycan pəhləvanları yarışların üçüncü günündə sərbəst güləş üzrə daha bir gümüş medal qazanıb.
AZƏRTAC xəbər verir ki, 69 kiloqram çəki dərəcəsində “A” divizionunda mübarizə aparan Ramil İsmayılov ABŞ və Macarıstandan olan rəqiblərini üstələyərək finala yüksəlib. Finalda Gürcüstan təmsilçisinə məğlub olan pəhləvanımız mundialı gümüş medalla tamamlayıb.
Beləliklə, pəhləvanlarımızın sərbəst güləş yarışlarında qazandığı medalların sayı dördə yüksəlib. Belə ki, İslam Quliyev (85 kq) qızıl, Abbas Məmmədov (63 kq) gümüş və Rövşən İsmayılxanlı (130 kq) isə bürünc medal qazanıblar.
Bölmənin digər xəbərləri
