AZƏRBAYCANIN ƏQLİ MÜLKİYYƏT VƏ FOLKLOR NÜMUNƏLƏRİNİN ERMƏNİLƏR TƏRƏFİNDƏN MƏNİMSƏNİLMƏSİNİN QARŞISI ALINACAQDIR
Respublika Müəllif Hüquqları Agentliyinin sədr müavini Oqtay Səmədov AZƏRTAC-a bildirmişdir ki, xalqımıza məxsus musiqi əsərlərinin, əqli mülkiyyət və folklor nümunələrinin ermənilər tərəfindən mənimsənilməsinin qarşısı Azərbaycan Dünya Ticarət Təşkilatına (DTT) üzv olduqdan sonra alına bilər. Azərbaycan hazırda DTT-yə üzv olmadığından, bu sahədə müəyyən problemlər mövcuddur.
O.Səmədov vurğulamışdır ki, Azərbaycana məxsus nümunələrin ermənilər tərəfindən mənimsənilməsi dəfələrlə beynəlxalq təşkilatlar qarşısında qaldırılsa da, hələlik müsbət nəticə əldə olunmamışdır. Ölkəmiz DTT-yə üzv olandan sonra ermənilərə qarşı ciddi tədbirlər görmək üçün imkanlarımız olacaqdır.
Bölmənin digər xəbərləri
