AZƏRBAYCANIN FUTBOL ÜZRƏ QADIN YIĞMA KOMANDASININ RƏQİBLƏRİ MÜƏYYƏN OLUNMUŞDUR
AZƏRTAC xəbər verir ki, 2010-cu ildə keçiriləcək futbol üzrə Avropa qadın çempionatının (U-19) seçmə turnirinin İsveçrənin Nyon şəhərində püşkatma mərasimi olmuşdur. Azərbaycan yığması İspaniya, Ukrayna və Kipr komandaları ilə birlikdə 10-cu qrupa düşmüşdür. Bu mərhələnin matçları sentyabrın 19-dan 24-dək keçiriləcəkdir. Gələn raunda iki ən yaxşı komanda və üçüncü yeri ən yaxşı göstəricilərlə tutan bir komanda keçəcəkdir. İkinci təsnifat raundunun matçları 2010-cu ilin yazında keçiriləcəkdir.
Avropa çempionatının final mərhələsi 2010-cu il mayın 24-dən iyunun 5-dək Makedoniyada olacaqdır.
Bölmənin digər xəbərləri
