Azərbaycanın gənc boksçuları Rumıniyada beynəlxalq turnirdə iştirak edəcəklər
Bakı, 14 fevral, AZƏRTAC
Gənc boksçulardan ibarət Azərbaycan millisi Rumıniyada keçiriləcək beynəlxalq turnirdə iştirak edəcəklər.
Boks Federasiyasından AZƏRTAC-a bildiriblər ki, yığma Breila şəhərində təşkil olunacaq “Drakula Open”ə 14 idmançı ilə qatılacaq.
Baş məşqçi Elbrus Rzayev yarışda Bilalhəbaşi Nəzərov, Hikmət Məmmədov (hər ikisi 48 kiloqram), Nihat Qasımov (51 kiloqram), Zidan Hümbətov (54 kiloqram), Sübhan Babayev (57 kiloqram), Baqir Əmirxanlı (60 kiloqram), Vüsal Xəlilov (63,5 kiloqram), Valeh Eyvazlı (67 kiloqram), Rza Rzayev (71 kiloqram), Abbasqulu Şadlinski, Renat Qiyaslı (hər ikisi 75 kiloqram), Mircəlal Mirağayev (80 kiloqram), Hüseyn Hüseynli (92 kiloqram) və Məhəmməd Cəfərova (+92 kiloqram) şans verəcək.
Turnirdə Rövşən Qədirovla Qalib Əbiyev isə ölkəmizi hakim kimi təmsil edəcək.
Qeyd edək ki, fevralın 16-da başlayacaq “Drakula Open”də final döyüşləri ayın 23-də olacaq.
Bölmənin digər xəbərləri
