Azərbaycanın müdafiə naziri Səudiyyə Ərəbistanının Kralı ilə görüşüb
Bakı, 5 aprel, AZƏRTAC
Aprelin 5-də Azərbaycan Respublikasının müdafiə naziri, general-polkovnik Zakir Həsənov İki Müqəddəs Ocağın Xadimi, Səudiyyə Ərəbistanının Kralı Əlahəzrət Salman bin Əbdüləziz Əl Səud ilə görüşüb.
Müdafiə Nazirliyinin mətbuat xidmətindən AZƏRTAC-a bildiriblər ki, görüşdə ölkələrimiz arasında ikitərəfli əlaqələr və əməkdaşlıq istiqamətləri, xüsusilə də hərbi sahədə əməkdaşlıq məsələləri müzakirə edilib.
Görüşdə, həmçinin Səudiyyə Ərəbistanının Dövlət naziri, Nazirlər Kabinetinin üzvü doktor İbrahim bin Əbdüləziz Al-Assaf, mədəniyyət və informasiya naziri doktor Adel bin Zaid Altoraifi və Azərbaycanın Səudiyyə Ərəbistanındakı səfiri Rasim Rzayev iştirak ediblər.
Bölmənin digər xəbərləri
