Azərbaycanın müstəqilliyi və azadlığı uğrunda canlarından keçmiş şəhidlərimizlə fəxr etməliyik
Bakı, 20 yanvar (AZƏRTAC). SSRİ rəhbərliyinin göstərişi ilə iyirmi dörd il bundan əvvəl Bakıda törədilmiş dəhşətli cinayət, insanların vəhşicəsinə qətlə yetirilməsi azərbaycanlıların müstəqillik uğrunda mübarizə əzmini qıra bilməmiş, əksinə, xalqı daha da birləşdirmiş, mübarizliyini artırmışdır.
Bu sözləri yanvarın 20-də Vətən övladlarının əziz xatirəsini yad etmək üçün Şəhidlər xiyabanına gəlmiş paytaxt sakini Zərqələm İsmayılova AZƏRTAC-a müsahibəsində demişdir.
Bildirmişdir ki, Şəhidlər xiyabanı xalqımız üçün müqəddəs and yerinə çevrilmişdir. Məhz bu günün nəticəsində uzun illərdən bəri arzusunda olduğumuz müstəqilliyimizə qovuşduq və dövlətimiz suverenlik əldə etdi.
Azərbaycanın müstəqilliyi, xalqımızın azadlığı uğrunda canlarından keçmiş, bu gözəl, firavan günləri bizə bəxş etmiş şəhidlərimizlə fəxr etməliyik. Onların qanı, canı bahasına əldə etdikləri bu müstəqilliyi qoruyub saxlamaq isə bizim borcumuzdur.
Bölmənin digər xəbərləri
