AZƏRBAYCANIN ÖZBƏKİSTANDAKI SƏFİRLİYİ İFTAR SÜFRƏSİ AÇMIŞDIR
AZƏRTAC-ın xüsusi müxbiri xəbər verir ki, Azərbaycanın Özbəkistandakı səfirliyi müqəddəs Ramazan bayramı münasibətilə iftar süfrəsi açmışdır. Məclisdə Azərbaycan diasporunun və özbək xalqının nümayəndələri, jurnalistlər iştirak etmişlər.
Səfir Namiq Abbasov onları bayram münasibətilə təbrik etmiş, Özbəkistan Prezidenti İslam Kərimovun Azərbaycana səfərinin nəticələrindən danışmışdır. Sonra Prezident İslam Kərimovun Azərbaycana səfəri və Prezident İlham Əliyevlə görüşlərindən bəhs edən videofilm nümayiş etdirilmişdir.
Əlişir Nəvainin Bakıda qoyulmuş abidəsinin müəllifi, xalq rəssamı Cəlaləddin Mirtaciyev Daşkənddə Nizami Gəncəvinin, Bakıda isə Əlişir Nəvainin abidələrinin qoyulmasının ölkələrimiz arasında əlaqələrin inkişafına təkan verəcəyini bildirmişdir.
Daşkənddəki Azərbaycan məscidinin mollası Mirtahir Talışxanov müqəddəs “Qurani-Kərim”dən ayələr oxumuşdur.
Bölmənin digər xəbərləri
