AZƏRBAYCANIN “QARA QIZIL” KOMANDASI KİYEVDƏ DƏ FƏRQLƏNMİŞDİR
Kiyev, 5 oktyabr (AZƏRTAC). Oktyabrın 5-də Kiyevdə keçirilən açıq Ukrayna liqasının yarımfinala vəsiqə almış Moskvada yaşayan həmvətənlərimizdən ibarət Azərbaycanın “Qara qızıl” Şən və Hazırcavablar Klubu (ŞHK) komandası xalqımızın ümummilli lideri Heydər Əliyevin Azərbaycanın Ukraynadakı səfirliyinin yaxınlığında bağda ucaldılmış abidəsi önünə tər çiçək dəstələri düzmüşlər.
Sonra ölkəmizin diplomatik nümayəndəliyində səfir Tələt Əliyevin Azərbaycan komandası ilə səmimi görüşü olmuşdur. Səfir Azərbaycanın Şən və Hazırcavablar Klubunu qazandığı uğur münasibətilə təbrik etmiş və bu ilin noyabr ayında keçiriləcək final mərhələsində komanda üzvlərinə qələbə arzulamışdır.
Tələt Əliyev çıxışında Heydər Əliyev Fondunun Rusiya Federasiyasındakı nümayəndəliyinin rəhbəri Leyla Əliyevanın Azərbaycan gəncləri ilə əlaqədar həyatın müxtəlif sahələrində reallaşan gözəl layihələrə verdiyi böyük töhfəsini xüsusi vurğulamışdır.
Zeynal Ağazadə
AZƏRTAC-ın xüsusi müxbiri
Kiyev
Bölmənin digər xəbərləri
