AZƏRBAYCANIN QARSDAKI BAŞ KONSULLUĞU 500 AİLƏYƏ RAMAZAN BAYRAMI MÜNASİBƏTİLƏ ƏRZAQ PAYLAMIŞDIR
AZƏRTAC-ın xüsusi müxbiri xəbər verir ki, Azərbaycanın Türkiyənin Qars şəhərindəki baş konsulluğu müqəddəs Ramazan bayramı münasibətilə Qars və İğdır vilayətlərində 500 ailəyə ərzaq yardımı paylamışdır.
Baş konsul Həsən Zeynalov bu yardımı bayram payı kimi dəyərləndirmiş, baş konsulluğun əhatə etdiyi 17 vilayətin sakinlərini təbrik etmişdir.
Sakinlər müqəddəs Ramazan günlərində qardaş ölkənin bayram hədiyyəsi üçün minnətdarlıq etmişlər.
