Azərbaycanın qızlardan ibarət basketbol yığması Avropa çempionatında final oyununa çıxacaq
Bakı, 14 iyul, AZƏRTAC
Bu gün Azərbaycanın 16 yaşadək qızlardan ibarət yığması Avropa çempionatının C divizionunda final oyununa çıxacaq.
AZƏRTAC xəbər verir ki, milli komanda Cəbəllütariqdə keçiriləcək matçda Kipr yığması ilə qarşılaşacaq. Görüş Bakı vaxtı ilə saat 20:15-də başlayacaq.
Qeyd edək ki, Evren Alkayanın yetirmələri qrup mərhələsində Ermənistanı 86:59, Gürcüstanı 97:40, Kipri 68:45 hesabı ilə məğlub ediblər. Yığma yarımfinalda isə Albaniyanı üstələyib - 92:62.
Bölmənin digər xəbərləri
