Azərbaycanın sərbəst güləşçiləri İrandakı turnirdə iştirak edəcəklər
Bakı, 14 may, AZƏRTAC
Mayın 15-də İranın Behşehr şəhərində sərbəst güləş üzrə “Necad Haşimi kuboku” turnirinə start veriləcək.
Güləş Federasiyasından AZƏRTAC-a verilən məlumata görə, iki gün davam edəcək yarış U-20 yaş qrupu üzrə keçiriləcək.
Turnirdə ölkəmizi böyük məşqçi Arif Abdullayev, məşqçilər Rövşən Hacıyevlə Nazim Əlicanovun rəhbərliyi altında 20 güləşçi – Vasif Bağırov, Sədrəddin Həsənov, Hüseyn Hüseynov (hamısı 57 kiloqram), Zamin Məmmədov (61 kiloqram), Hacı Kərimov, Elcan İsmayılzadə, Sübhan Səfərli (hamısı 65 kiloqram), İsmayıl Rəhimli, Adəm Bağırov, Nurlan Ağazadə, Sadiq Hüseynov (hamısı 70 kiloqram), Omar Gülməmmədov (74 kiloqram), Muradxan Omarov (79 kiloqram), Məhəmməd Abbaszadə, Təbriz Bayramov, Vasif Xudiyev (hamısı 86 kiloqram), Anar Cəfərli, Şəmistan Axundov (hər ikisi 92 kiloqram), Yusif Dursunov və Muxamad Qantemirov (hər ikisi 125 kiloqram) təmsil edəcək.
Bölmənin digər xəbərləri
