Çinin xüsusi nümayəndələri Yaxın Şərq və Afrikaya səfər edəcəklər
Pekin, 2 noyabr, AZƏRTAC
Çinin Yaxın Şərq və Afrika üzrə xüsusi nümayəndələri sülh danışıqlarını təşviq etmək və gərginliyi azaltmaq məqsədilə regiona səfər edəcəklər.
AZƏRTAC xəbər verir ki, bu barədə Çin Xarici İşlər Nazirliyinin rəsmisi Mao Nin media brifinqində məlumat verib.
Çin hökumətinin Yaxın Şərq məsələləri üzrə xüsusi elçisi Cay Cun noyabrın əvvəllərindən ortalarına qədər İran, Oman və Səudiyyə Ərəbistanına səfər edəcək.
Afrika işləri üzrə xüsusi nümayəndə Liu Sianfa isə Efiopiya, Cibuti və Misirdə səfərdə olacaq.
Mao Nin qeyd edib ki, xüsusi nümayəndələr Yaxın Şərqdə sülh və təhlükəsizliyin təşviqi ilə bağlı bir sıra təşəbbüs və təklifləri, eləcə də Sədr Si Cinpinin irəli sürdüyü Afrikadakı qaynar nöqtələrin həllində bütün tərəflərin konstruktiv iştirakını nəzərdə tutan 4 prinsipi həyata keçirməyə çalışacaqlar.
Bölmənin digər xəbərləri
