Azərbaycanın şimal-şərq hissəsində qeydə alınan zəlzələlərin ocaq mexanizmi hesablanıb
Bakı, 11 mart, AZƏRTAC
Azərbaycanın şimal-şərq hissəsinin 2003-cü ildən 2017-ci ilə qədər dövrü əhatə edən seysmoloji gərginlik sahəsi azərbaycanlı alimlər tərəfindən tədqiq edilib. Tədqiqatlar Azərbaycan Milli Elmlər Akademiyasının (AMEA) Geologiya və Geofizika İnstitutu və Respublika Seysmoloji Xidmət Mərkəzinin (RSXM) mütəxəssisləri tərəfindən aparılıb.
Mərkəzin informasiya şöbəsindən AZƏRTAC-a bildiriblər ki, AMEA-nın Neft və Qaz İnstitutunun direktoru vəzifəsini icra edən, akademik Fəxrəddin Qədirov, RSXM-in baş direktoru, AMEA-nın müxbir üzvü, professor Qurban Yetirmişli, Geologiya və Geofizika İnstitutunun şöbə müdiri, geologiya-mineralogiya elmləri doktoru Qulam Babayev, mərkəzin Zəlzələ ocaqlarının dinamikası şöbəsinin müdiri, geologiya -mineralogiya üzrə fəlsəfə doktoru Səbinə Kazımova və italiyalı professor Luiano Teleskanın həmmüəllifi olduğu işlərin nəticəsinə dair məqalə “Pure and Applied Geophysics” jurnalında dərc olunub.
Məqalədə bildirilir ki, Azərbaycan ərazisi zəlzələlərin sıx olduğu müxtəlif sahələrdə yüksək seysmik aktivliklə səciyyələnir. Həmin tədqiqatda 2003-cü ildən 2017-ci ilə qədər olan müddətdə RSXM-in stansiyaları tərəfindən qeydə alınan rəqəmsal dalğa məlumatlarından istifadə olunaraq, Azərbaycanın şimal-şərq hissəsində baş verən zəlzələlərin ocaq mexanizmi hesablanıb.
Bölmənin digər xəbərləri
