Azərbaycanın U-19 millisi estoniyalı həmyaşıdlarına qalib gəlib
Bakı, 27 mart, AZƏRTAC
Estoniyanın paytaxtı Tallinndə təlim-məşq toplanışında olan 19 yaşadək futbolçulardan ibarət Azərbaycan yığması növbəti yoldaşlıq oyununu keçirib.
AZƏRTAC xəbər verir ki, Estoniyanın U-19 komandasına qarşı keçirilmiş oyun 5:2 hesabı ilə yığmamızın xeyrinə başa çatıb. Bahadur Həziyevin dubl etdiyi qarşılaşmada hərəyə 1 dəfə Elçin Əsədov, Fərid Nəbiyev və Əli Sadıxov fərqləniblər.
Komandalar arasında martın 25-də keçirilmiş yoldaşlıq görüşündə hesab açılmamışdı.
Bölmənin digər xəbərləri
