AZƏRBAYCANIN UNİVERSAL DÖYÜŞ USTALARI RUSİYAYA YOLA DÜŞMÜŞLƏR
50-yə yaxın ölkədən 350-dən artıq idmançının iştirak edəcəyi yarışda Azərbaycanı baş məşqçi Fərhad Ocaqverdiyevin rəhbərliyi ilə 7 nəfərdən ibarət komanda təmsil edəcəkdir. Avqustun 31-də Rusiyaya yola düşən yığmanın heyətinə Pərviz Əliyev (60 kq), Ramil Məmmədov (65 kq), Sənan Dünyamalıyev (70 kq), Nicat Tağıyev (70 kq), Şəhriyar Tarıyev (75 kq), Əli Mirələkbərli (80 kq) və Ceyhun Söhbətov (95 kq-dan yuxarı) daxildirlər.
Yarışlardan əvvəl Beynəlxalq Universal Döyüş Federasiyasının illik konqresi keçiriləcəkdir. Tədbirdə qurumun vitse-prezidenti, Azərbaycan Universal Döyüş Federasiyasının prezidenti Azər Həsənov da iştirak edəcəkdir.
Bölmənin digər xəbərləri
