AZƏRBAYCANIN VYANADAKI SƏFİRLİYİNDƏ 20 YANVAR FACİƏSİ ANILACAQ
“20 Yanvar faciəsinin on beşinci ildönümünün keçirilməsi haqqında” Azərbaycan Respublikası Prezidentinin Sərəncamına müvafiq olaraq ölkəmizin Avstriyadakı səfirliyində bir sıra tədbirlər keçiriləcəkdir.
Səfirlikdən AZƏRTAC-a bildirmişlər ki, 20 Yanvar hadisələri barədə məlumat bülletenləri hazırlanmış və Vyanada yerləşən bütün diplomatik nümayəndəliklərə, dövlət orqanlarına və ölkə ictimaiyyətinə göndərilir.
Bu ölkədə yaşayan həmvətənlərimizin iştirakı ilə səfirlikdə hüzn günü keçiriləcək tədbirdə faciəni əks etdirən videofilm nümayiş etdiriləcək, fotosərgi təşkil olunacaq, şəhidlərin xatirəsinə ehsan veriləcəkdir.
Bölmənin digər xəbərləri
