AZƏRBAYCANLA QIRĞIZISTAN RESPUBLİKALARI ARASINDA TİCARƏT ƏLAQƏLƏRİ İNKİŞAF EDƏCƏKDİR
Azərbaycan ilə Qırğızıstan arasında iqtisadi-ticarət əlaqələri inkişaf edəcəkdir. Buna “Azərbaycan Respublikası Hökuməti və Qırğızıstan Respublikası Hökuməti arasında sərbəst ticarət haqqında Saziş” imkan verəcəkdir.
AZƏRTAC xəbər verir ki, Saziş layihəsi Milli Məclisin aprelin 16-da keçirilən iclasında müzakirə olunaraq təsdiq edilmişdir.
Müzakirələr zamanı qeyd edilmişdir ki, Qırğızıstan 1998-ci ildən Ümumdünya Ticarət Təşkilatının üzvüdür. ÜTT-ə üzv dövlətlərin idxal etdikləri mallara qoyulan rüsumlar isə çox aşağı olur. Ötən il Azərbaycanla Qırğızıstan arasında ticarət dövriyyəsi 965 min 700 dollar təşkil etmişdir. Saziş ticarət dövriyyəsinin artmasına səbəb olacaqdır.
Bölmənin digər xəbərləri
