Azərbaycanlı hüquqşünas və tələbələrin Beynəlxalq Ədalət Məhkəməsində təlim keçməsi məsələsi müzakirə olunub
Bakı, 25 yanvar, AZƏRTAC
Yanvarın 25-də Azərbaycan Respublikasının Niderland Krallığındakı müvəqqəti işlər vəkili Cəlal Mirzəyev BMT-nin Beynəlxalq Ədalət Məhkəməsinin prezidenti, hakim Əbdulqavi Əhməd Yusif ilə görüşüb.
Səfirlikdən AZƏRTAC-a bildirilib ki, görüşdə tərəflər Beynəlxalq Ədalət Məhkəməsinin iş prinsipləri, Ermənistan-Azərbaycan Dağlıq Qarabağ münaqişəsinin siyasi və hüquqi aspektləri, Beynəlxalq Ədalət Məhkəməsində azərbaycanlı hüquqşünasların və tələbələrin təlim keçməsi məsələsi, ölkəmizlə bu qurum arasında digər mümkün əməkdaşlıq istiqamətləri ətrafında geniş fikir mübadiləsi aparılıb.
Bölmənin digər xəbərləri
