AZERCELL “GİZLƏTCELL” XİDMƏTİNİ TƏKMİLLƏŞDİRMİŞDİR
Müəssisənin mətbuat xidmətindən AZƏRTAC-a bildirmişlər ki, abonent başqa abonent üçün də “GizlətCELL+” xidmətini aktivləşdirə bilər. Bunun üçün mesajın mətnində həmin abonentin nömrəsini yazaraq, 9001 (24 saat) və ya 9007 (168 saat) nömrələrinə göndərmək lazımdır. Bu haqda məlumat və “GizlətCELL+” xidmətini aktivləşdirən abonentin nömrəsi həmin abonentə SMS vasitəsilə çatdırılacaqdır.
Xidmət 24 (9001 nömrəsi) və ya 168 saat (9007 nömrəsi) üçün aktivləşdirilir. Vaxt başa çatdıqdan sonra xidmət avtomatik surətdə bağlanır.
“GizlətCELL+” xidmətinin tarifləri göndərilən SMS-ə görə hesablanır.
Xidmətin aktivləşdirilməsi tarifləri isə onun vaxtından asılıdır. Məsələn, xidmətin 24 saat, yəni 1 gün aktiv olması (9001 nömrəsi vasitəsilə) SimSim (GəncSim) abonentlərinə 50 kontura, Azercell abonentlərinə isə 1000 manata və ya 20 qəpiyə (ƏDV xaric), xidmətin 168 saat, yəni 7 gün aktiv olması isə (9007 nömrəsi vasitəsilə) SimSim (GəncSim) abonentlərinə 300 kontura, Azercell abonentlərinə isə 6000 manata, yaxud 1 yeni manat 20 qəpiyə (ƏDV xaric) başa gələcəkdir.
“GizlətCELL+” xidmətini başqa abonentə hədiyyə olaraq aktivləşdirmək üçün də eyni tarif tətbiq olunur. Bu halda onu hədiyyə edən şəxs mənsub olduğu abonent paketinə uyğun kontur və ya pul ödəyir.
Bölmənin digər xəbərləri
