“AZERFON” BEYNƏLXALQ TURNİRƏ SPONSORLUQ ETMİŞDİR
AZƏRTAC xəbər verir ki, Bakı Otüstü Xokkey Kompleksində qadınlardan ibarət otüstü xokkey komandaları arasında keçirilmiş “AtaHoldinq Çelenc Xokkey” beynəlxalq turnirinin sponsoru Azərbaycanda yeni fəaliyyətə başlayan “Azerfon” Məhdud Məsuliyyətli Cəmiyyət olmuşdur.
ABŞ, İngiltərə, Koreya Respublikası, Çin, Yeni Zelandiya və Azərbaycan yığmaları arasında oyunların yüksək səviyyədə baş tutması üçün şirkət üzərinə düşən bütün vəzifələrin öhdəsindən bacarıqla gəlmişdir.
Bu beynəlxalq turnirdə, eləcə də gələcək yarışlarda Azərbaycan yığmasının Pekin Yay Olimpiya oyunlarına vəsiqə qazanmaq uğrunda mübarizəsini dəstəkləyən “Azerfon” sonda bütün yarış iştirakçılarına hədiyyələr təqdim etmişdir.
Bölmənin digər xəbərləri
