“Azəri-Çıraq-Günəşli”dən cari ildə neft hasilatı 19,7 milyon ton olub
Bakı, 19 noyabr, AZƏRTAC
Bu ilin yanvar-oktyabr aylarında operativ məlumatlara əsasən, Azərbaycanda 28,8 milyon ton neft (kondensatla birlikdə) hasil edilib.
Energetika Nazirliyindən AZƏRTAC-a bildirilib ki, neft (kondensatla birlikdə) hasilatı ötən ilin müvafiq dövrü ilə müqayisədə təxminən 2,3 milyon ton azalıb.
Respublika üzrə neft hasilatının 19,7 milyon tonu “Azəri-Çıraq-Günəşli” yataqlarının, 2,9 milyon tonu (kondensat) “Şahdəniz” yatağının payına düşüb.
SOCAR üzrə isə (kondensatla birlikdə) hasilat 6,2 milyon ton təşkil edib.
Bölmənin digər xəbərləri
