“Azəriqaz”dan xəbərdarlıq
Bakı, 19 aprel, AZƏRTAC
Aprelin 21-də saat 22:00-dan aprelin 22-də saat 10:00-dək və aprelin 22-də saat 22:00-dan aprelin 23-də saat 10:00-dək SOCAR "Azəriqaz" İstehsalat Birliyinin (İB) Qəza Çağrı Xidməti şöbəsinin istifadəsində olan serverlərdə texniki-profilaktiki işlər görülməsi ilə əlaqədar ödəniş sistemləri işləməyəcək, eləcə də 104/185 qısa yığım nömrələrinə zənglər daxil olmayacaq.
İB-nin mətbuat xidmətindən AZƏRTAC-a bildiriblər ki, aprelin 21-dək balansında kifayət qədər kubmetr qaz olmayan abonentlər mütləq qaydada smart-kartlarına yükləmə etsinlər. Əgər qaz təchizatı ilə bağlı hər hansı bir problem yaranarsa, vətəndaşlar Çağrı Mərkəzinin 077 3 104 104 "Whatsapp" nömrəsi və azeriqaz.az saytının onlayn çat bölümü vasitəsilə müraciətlərini ünvanlaya bilərlər. Ünvanlanan bütün müraciətlərə mütləq qaydada Çağrı Mərkəzinin əməkdaşları tərəfindən geri dönüş olunacaq.
Bölmənin digər xəbərləri
