“Azəriqaz”ın Çağrı mərkəzinə müraciət edənlərin əksəriyyəti Bakı və Abşeron sakinləridir
Bakı, 2 dekabr, AZƏRTAC
Cari ilin noyabr ayında “Azəriqaz” İB-nin “104” Çağrı mərkəzinə 121 min 596 müraciət daxil olub.
AZƏRTAC xəbər verir ki, bu sözləri “Azəriqaz”ın “104” Qəza-çağrı xidməti şöbəsinin rəisi Xalidə Şimşək bu gün keçirilən “Açıq qapı” aksiyasında deyib.
Onun sözlərinə görə, ötən ay zənglərin sayının artması insanların ödədiyi məbləğin hansı tarifdə olması, balansı və limit barəsində məlumat almaq istəyi ilə bağlıdır. Bunun 104 min 748-i Bakı və Abşeron rayonları ərazisindəndir.
Şöbə rəisi qeyd edib ki, ötən ay 3,4 faiz və ya 3646 abonentin “Azəriqaz”a etdiyi müraciətləri qazın olmaması ilə bağlı idi: “Müraciət edənlərin 7,8 faizi və ya 8265 nəfər qaz təzyiqi ilə bağlı, abonentlərin 6,3 faizi isə sızmanın olması ilə bağlı müraciət edib. Ən çox müraciətlər yenə də sayğacların yüklənməsi və karta balansın artırılması ilə bağlı olub. Ötən ay 50 min 544 müraciətin 48,2 faizi sayğaclarla bağlı, 12 faizi isə kartın balansının artırılması ilə bağlı, 36 min 661 müraciət isə borcun qalığı ilə bağlı olub. Bu da 104 min 748 müraciətin təxminən 35 faizini təşkil edir”.
X.Şimşək bildirib ki, ötən ay qazın olmaması ilə bağlı müraciət edənlərdən 712 nəfərinə dəfələrlə xəbərdarlıq olunmasına baxmayaraq borcunu ödəmədiyi üçün qaz təchizatı dayandırılmış abonentlərdir”.
Bölmənin digər xəbərləri
