AZƏRTAC-ın fotomüxbiri beynəlxalq mükafata layiq görülüb
Bakı, 25 may, AZƏRTAC
“NEW YORK PHOTO FAIR 2021” beynəlxalq foto müsabiqəsinin münsiflər heyətinin seçiminə əsasən AZƏRTAC-ın fotomüxbiri İlqar Cəfərov Nyu-York Fotoqrafiya Assosiasiyasının (NYPA ANTIQUE GOLD JUDGE CHOICE) qızıl medalına layiq görülüb.
AZƏRTAC xəbər verir ki, Beynəlxalq Foto sənəti Federasiyasının (FİAP) prezidenti Rikardo Busi də daxil olmaqla 9 nəfərdən ibarət beynəlmiləl münsiflər heyətinin üzvləri dünyanın 54 ölkəsindən 353 fotoqrafın işlərini qiymətləndiriblər.
İlqar Cəfərovun “Həndəsi mühitdə keçən həyat” adlı fotoqrafiyası 2016-cı ilin iyun ayında Bakı şəhərindəki Heydər Əliyev Mərkəzinin yaxınlığında çəkilib.
Bölmənin digər xəbərləri
