“Azertexnolayn” MMC yeni məhsul istehsalına başlayıb
Bakı, 20 avqust, AZƏRTAC
Sumqayıt Kimya Sənaye Parkının rezidenti olan “Azertexnolayn” MMC-də yeni növ məhsulun - avtodayanacaqlarda istifadə olunan çuqun töküm yağış barmaqlıqların istehsalına başlanılıb.
İqtisadiyyat Nazirliyinin mətbuat xidmətindən AZƏRTAC-a bildirilib ki, məhsul Rusiya Federasiyasının sifarişi ilə hazırlanır. Qeyd edək ki, “Azertexnolayn” MMC-də qabaqcıl texnologiyalar əsasında müxtəlif diametrli polad borular, yüksək təzyiqə davamlı hidrotexniki avadanlıqlar, xüsusi təyinatlı müxtəlif diametrli polietilen borular istehsal edilir. İstehsal olnan məhsullar ölkə daxilində istifadə olunmaqla yanaşı, bir sıra xarici ölkələrə də ixrac olunur.
Bölmənin digər xəbərləri
