“Azərxalça”nın sədri: Xalça sənəti insanları birləşdirir, dostluq körpüləri yaradır VİDEO
Bakı, 2 may, AZƏRTAC
Ötən il biz xalça festivalının təməlini qoymuşuq və Milli Xalça Festivalı qeyd olundu. Bu festivalın mayın əvvəlində keçirilməsi heç də təsadüfi deyil. Çünki ölkə başçımızın Sərəncamına əsəsən, mayın 5-də Azərbaycanda Xalçaçı Günü olaraq qeyd edilir.
AZƏRTAC xəbər verir ki, bunu "Azərxalça” ASC-nin İdarə Heyətinin sədri Emin Məmmədov Bakıda keçirilən "Xalçaçılıqda ənənələr və yeniliklər" forumu çərçivəsində jurnalistlərə açıqlamasında deyib.
“Xalça festivalı uğurlu olduğuna görə bu il Beynəlxalq Xalça Festivalını keçirməyi qərara aldıq. Biz bu forumdan başlayaraq və sabahdan etibarən hər kəsi İçərişəhərdə keçiriləcək Beynəlxalq Xalça Festivalına dəvət edirik. Xalça sənəti insanları birləşdirir, dostluq körpüləri yaradır. Beynəlxalq Xalça Festivalının keçirilməsində əsas məqsəd bizim ənənəvi xalça sənətimizi yaşatmaqdır”, - deyə Emin Məmmədov əlavə edib.
Bölmənin digər xəbərləri
