AzTU-nun üç tələbəsi “Erasmus+” proqramı çərçivəsində xaricdə təhsil alacaq
Bakı, 10 fevral, AZƏRTAC
Azərbaycan Texniki Universitetinin (AzTU) üç tələbəsi 2022/2023-cü tədris ilinin yaz semestrində “Erasmus+” proqramı çərçivəsində xaricdə təhsil alacaq.
AzTU-dan AZƏRTAC-a bildirilib ki, rektor Vilayət Vəliyev tələbələrlə görüşüb, onlara dərslərində uğurlar arzulayıb.
Qeyd edək ki, metallurgiya və materialşünaslıq fakültəsinin II kurs tələbəsi İlqar Qənbərov Türkiyənin Bursa Texniki Universitetində, İqtisadiyyat və idarəetmə fakültəsinin III kurs tələbələri Emil Gebekbəyov və Ramiz Səlimov isə Rumıniyanın Buxarest İqtisadiyyat Universitetində bir semestrlik təhsil almaq üçün təqaüd qazanıblar.
Bölmənin digər xəbərləri
