BAĞDADDA BİR GÜN ƏRZİNDƏ 60-DAN ÇOX ADAMIN CƏSƏDİ AŞKAR OLUNMUŞDUR

14.09.2006 [14:54]
Çap et
A⁺ A^-

AZƏRTAC “İnterfaks”a istinadla xəbər verir ki, İraq paytaxtının müxtəlif hissələrində son 24 saat ərzində 60 nəfərdən çox adamın cəsədi aşkar olunmuşdur.

Bunu sentyabrın 13-də yerli polis bildirmişdir. Öldürülənlərin çoxu ölümqabağı işgəncəyə məruz qalmışdır. Meyitlərin əl-ayaqları sarınmışdı və başlarında güllə yaraları vardı.

Ekspertlərin fikrincə, bu adamlar şiələr və sünnilər arasında davam edən münaqışə zamanı oğurlanmış, işgəncə verilərək öldürülmüşlər.

Sentyabrın 13-də Bağdadda növbəti terror aktı nəticəsində isə 14 nəfər həlak olmuş, 67 adam yaralanmışdır.

Polis patrulu yerli stadion yaxınlığındakı Yol Hərəkəti İdarəsinin yanından keçərkən dinamitlə doldurulmuş avtomobil partlamışdır.