ELM VƏ TƏHSİL
Bakı Avropa Liseyinin şagirdləri Moskvada XII Beynəlxalq rus dili olimpiadasında iştirak ediblər
Bakı, 11 iyun, AZƏRTAC
Bakı Avropa Liseyinin şagirdləri Moskvada məktəblilər arasında keçirilən XII Beynəlxalq rus dili olimpiadasında iştirak ediblər.
Təhsil Nazirliyindən AZƏRTAC-a bildiriblər ki, A.S.Puşkin adına Dövlət Rus dili İnstitutunun təşkilatçılığı ilə keçirilən olimpiadaya liseyin X sinif şagirdləri Nəzrin Kazımzadə, Nərmin Aydarova, Nərmin Bayramova və Fidan Mirzəyeva qatılıblar.
Azərbaycan məktəbliləri rus dili və dövlətşünaslıq fənnlərindən imtahan veriblər. Onlar, həmçinin rus dilindən inşa yazısı, “Melodeklamasiya” və “Gənc natiq” müsabiqələrində iştirak ediblər.
Olimpiadanın bədii hissəsində liseyin şagirdləri ölkəmizin milli rəqslərini nümayiş etdiriblər. Olimpiadanın təntənəli bağlanış mərasimində Nərmin Aydarova və Fidan Mirzəyeva diploma, nümayəndə heyətinin rəhbəri, liseyin müəllimi Xumar Əhmədbəyli təşəkkürnaməyə layiq görülüblər.