BAKI BANKLARARASI VALYUTA BİRJASINDA HƏRRACLARIN YEKUNLARI
Birjanın informasiya-təhlil şöbəsindən AZƏRTAC-ın müxbirinə bildirmişlər ki, elektron hərraclarının birja sistemində (EHBS) səhər sessiyasının açılışında USD/AZN-in məzənnəsi 1 dollar üçün 0,8996 AZN-ə bərabər idi. Bankların 5 milyon USD məbləğində sifariş verməsinə baxmayaraq, EHBS-in gündüz və səhər sessiyalarında USD/AZN T+0 aləti üzrə əqdlər qeydə alınmamış, nəticədə hər iki sessiyanın yekunları üzrə manatın məzənnəsi dəyişməmişdir.
USDAZN T+1, T+2 və SVVAP USDAZN alətləri üzrə tələb olmadığından dilerlər əqd bağlamamışlar.
EHBS-də banklar AURAZN, RUR/AZN alətləri üzrə sifarişlər verməmişlər.
EHBS sistemi çərçivəsində fəaliyyət göstərən banklararası kredit bazarında market-meykerlər tərəfindən verilən sifarişlər əsasında hesablanan BakiBOR indeksi 90 günlük alətlər üzrə illik manatla 15,05 faiz, ABŞ dolları üzrə isə 14,90 faiz təşkil etmişdir.
Birjada banklar arasında kredit alətləri üzrə mayın 26-da əqdlər bağlanmamışdır.
Bölmənin digər xəbərləri
