Bakı Dövlət Universiteti “Yubiley loqosu” müsabiqəsi elan edir
Bakı, 28 fevral, AZƏRTAC
2019-cu ildə Şərqin ilk dünyəvi ali məktəbi olan Bakı Dövlət Universitetinin (BDU) təsis edilməsinin 100 illik yubileyi tamam olur. Bu münasibətlə universitet “Yubiley loqosu”nun tərtibatı üzrə müsabiqə elan edir.
BDU-dan AZƏRTAC-a bildiriblər ki, loqo müasir və beynəlxalq standartlara cavab verməli, dizaynda 100 illik fəaliyyət əks edilməlidir. Müsabiqəyə indiyə qədər istifadə edilməyən və digər loqoların elementlərini təkrarlamayan orijinal nümunələr təqdim olunmalıdır.
Loqonun eskizi [email protected] elektron ünvanına “Yubiley loqosu” yazılmaqla göndərilməlidir.
Qaliblər, həmçinin müsabiqədə fərqlənən digər müəlliflər mükafatlandırılacaq, universitetin 100 illik yubiley tədbirlərinə dəvət ediləcək və ən yaxşı loqolar yubiley ərəfəsində keçiriləcək tədbirlərdə nümayiş olunacaq.
Bölmənin digər xəbərləri
