Bakı Dövlət Universitetinin alimləri “Web of Science” bazasının rəyçiləri sırasında ilk onluqdadır
Bakı, 19 may, AZƏRTAC
“Clarivate Analytics” şirkətinin “Web of Science” qrupuna daxil olan “Publons” alt qrupu elmi bazaya aid jurnallara təqdim olunan məqalələrə müsbət və ya mənfi rəy yazan alimlərin fəaliyyətini araşdırır və hər ölkə üzrə son bir il üçün hazırladığı siyahını dünya elmi ictimaiyyətinə təqdim edir.
Azərbaycan üzrə təqdim olunan siyahıda Bakı Dövlət Universitetinin (BDU) alimlərinin fəaliyyəti yüksək qiymətləndirilib.
BDU-dan AZƏRTAC-a bildirilib ki, universitetin alimlərindən Əməkdar elm xadimi, Cəbr və həndəsə kafedrasının müdiri, professor Arif Səlimov, Nanomaterialların kimyəvi fizikası kafedrasının dosenti Flora Hacıyeva, Tətbiqi riyaziyyat kafedrasının professoru İbrahim Nəbiyev və Yüksəkmolekullu birləşmələr kimyası kafedrasının müdiri, professor Rasim Alosmanov bu siyahıda ilk onluqdadır.
Maraqlananlar ətraflı məlumatı link vasitəsilə əldə edə bilərlər.
Bölmənin digər xəbərləri
