BAKI KƏNDLƏRİNİN İQTİSADİ İNKİŞAFI ÜÇÜN KOMPLEKS TƏDBİRLƏR HƏYATA KEÇİRİLİR
Möhtərəm Prezidentimiz Heydər Əliyevin tapşırığı ilə Bakı kəndlərinin sosial-iqtisadi inkişafının kompleks tədbirlər planına uyğun olaraq, Kürdəxanı, Bilgəh, Nardaran, Hövsan və digər kəndlərdə yeni çörəkbişirmə sexlərinin qurulması və Nardaran kəndində ikinci yeni xalçaçılıq sexinin açılması üçün təmir işlərinin sürətlə aparılması məqsədi ilə Hökumət tərəfindən əlavə maliyyə vəsaiti ayrılmışdır.
Bakı kəndlərində kənd təsərrüfatını inkişaf etdirmək məqsədi ilə kənd əhalisinə əlavə kömək göstərilməsi məsələsi, yeni sosial obyektlərin tikintisi, yolların cari təmiri, məktəb və uşaq bağçalarında əsaslı təmir işlərinin və kompüterləşdirilmənin sürətlə aparılması nəzarətə götürülmüşdür. Kompleks tədbirlər planına uyğun olaraq, Bakı kəndlərinin sosial-iqtisadi inkişafı ilə əlaqədar işlər davam etdirilir.
Bakı Şəhər İcra Hakimiyyəti
Bölmənin digər xəbərləri
