İDMAN
BAKIDA AVROPA BODİBİLDİNQ VƏ FİTNESS FEDERASİYASININ KONQRESİ KEÇİRİLMİŞDİR
AZƏRTAC xəbər verir ki, mayın 6-da “Park İnn - Azərbaycan” mehmanxanasında Avropa Bodibildinq və Fitness Federasiyasının konqresi keçirilmişdir.
Beynəlxalq (İFBB) və Avropa (EBFF) Bodibildinq və Fitness Federasiyalarının prezidenti Rafael Santonxa qitə çempionatının yüksək səviyyədə təşkil olunmasında göstərdiyi dəstəyə görə Prezident İlham Əliyevə minnətdarlığını bildirərək demişdir: Dünyada bir neçə ölkə var ki, orada ölkə prezidentləri eyni zamanda Milli Olimpiya Komitələrinə də başçılıq edirlər. Amma Azərbaycan yeganə ölkədir ki, burada Milli Olimpiya Komitəsinin rəhbəri ölkə prezidenti olmuşdur.
Konqresdə bodibildinqin inkişafı, habelə növbəti çempionatlara hazırlığın gedişi və digər məsələlər müzakirə olunmuşdur.