BAKIDA AZƏRBAYCAN-LİTVA BİZNES FORUMU KEÇİRİLƏCƏK
Azərbaycanda İxracın və İnvestisiyaların Təşviqi Fondundan (AZPROMO) AZƏRTAC-a bildirmişlər ki, Litva Respublikasının Prezidenti Valdas Adamkusun ölkəmizə səfəri çərçivəsində iyunun 9-da Excelsior mehmanxanasında Azərbaycan-Litva biznes forumu keçiriləcəkdir. AZPROMO-nun prezidenti Emil Məcidovun sözlərinə görə, Litva nümayəndə heyəti forumda çoxsaylı iqtisadiyyat sahələri ilə təmsil olunacaq və tədbir Azərbaycan iş adamlarına Avropa Birliyinin üzvü olan Litvada həmkarları ilə faydalı əməkdaşlıq qurmağa imkan yaradacaqdır.
Tədbirdə iqtisadi inkişaf naziri Heydər Babayevin, Litva iqtisadiyyat nazirinin müavininin və digər rəsmi şəxslərin çıxışları nəzərdə tutulmuşdur.
Forum çərçivəsində Azərbaycan və Litvanın iş adamları arasında ikitərəfli görüşlər keçiriləcək.
Bölmənin digər xəbərləri
