BAKIDA DAXİLİ TURİZM SƏRGİSİ AÇILMIŞDIR
Gənclər, idman və turizm naziri Əbülfəz Qarayev sərginin açılış mərasimində bildirmişdir ki, Azərbaycanın daxili turizm imkanlarını nümayiş etdirən bu sərgi ənənəvi olacaqdır. Nazirliyin proznozlarına görə, 2005-ci ildə ölkəmizə təxminən 2 milyon, ötən illə müqayisədə 30-40 faiz çox turist gələcəkdir. Ötən il ölkəmizə 1,4 milyon nəfər gəlmişdi. Bu yay Azərbaycanın turizm obyektlərində 500 min turist istirahət etmişdir.
Son üç ildə Azərbaycanda turistlərə xidmət göstərən 52 yeni müəssisə, hotel, digər turizm infrastrukturu obyektləri yaranmış, turizm şirkətlərinin sayı isə 7 dəfə artmışdır. Bu ilin axırınadək respublikamızda turizm obyektlərinin sayı 20 vahid artmalıdır. Dünya Turizm Təşkilatının informasiyasına görə, dünyada turizmin artımı 6-7 faiz təşkil etdiyi halda, Azərbaycanda bu rəqəm 25-30 faizə bərabərdir. Bu il daxili turizmlə məşğul olan şirkətlərin sayı 19-a çatmışdır. Başqa sözlə, ümummilli liderimiz Heydər Əliyevin Azərbaycanı turizm ölkəsinə çevirmək arzusu həyata keçir.
Açılış mərasimində Nabrandakı “Atlant”, ”Qrinvill” turizm mərkəzlərinə və Astaradakı “Şidan” mehmanxanasına 4 ulduzlu keyfiyyət sertifikatları təqdim olunmuşdur.
Bölmənin digər xəbərləri
