BAKIDA KEÇİRİLƏCƏK BEYNƏLXALQ BOKS TURNİRİNİN TƏŞKİLAT KOMİTƏSİNİN İCLASI KEÇİRİLMİŞDİR
Martın 15-də Gənclər və İdman Nazirliyində yarışın təşkilat komitəsinin iclası keçirilmişdir. Təşkilat Komitəsinin üzvləri rəsmi qonaqların, idmançıların, məşqçi və hakimlərin qəbulu və yerləşdirilməsi ilə bağlı bir çox işlərin aparıldığı, digər texniki məsələlərin də həll olunduğu barədə gənclər və idman naziri Azad Rəhimova məlumat verərək bildirmişlər ki, yarış bu il yubiley xarakteri daşıdığından mötəbərliyi ilə də əvvəlkilərdən fərqlənəcəkdir.
Dünyanın 20 ölkəsindən 180-dək idmançının 11 çəki dərəcəsində medallar, eləcə də Ənvər Çoudrinin kuboku uğrunda mübarizə aparacağı bu yarışda boksçuları ilə məşhur olan Azərbaycan, Çin, ABŞ, Kuba, Rusiya və Qazaxıstanın Avropa və dünya çempionları, Olimpiya Oyunlarının mükafatçıları iştirak edəcəklər.
Boks üzrə milli yığma komandamızın baş məşqçisi Məmməd Eyvazov qeyd etmişdir ki, bu turnirin dəfələrlə kubokuna və qızıl medallarına sahib olan Azərbaycan boksçuları bu dəfə ciddi sınaq qarşısındadırlar. Məşqçi boks ölkələri sayılan Kuba, Qazaxıstan və Rusiyanın bu yarışlara çox güclü heyətlə qatılmasına baxmayaraq, ən azı 4 idmançımızın qızıl medal qazanacağına inanır.
Bölmənin digər xəbərləri
