Bakıda taksi polisi və hərbçini vurub
Bakı, 21 aprel, AZƏRTAC
Aprelin 19-da saat 22 radələrində koronavirus (COVID-19) infeksiyasının yayılmasının qarşısının alınması məqsədilə tətbiq edilən xüsusi karantin rejimi ilə əlaqədar Nəsimi rayonunun Bakıxanov küçəsində quraşdırılmış postda Bakı şəhər sakini B.Abbasov idarə etdiyi “London taxi” markalı avtomobillə orada xidmət aparan Nəsimi Rayon Polis İdarəsinin əməkdaşı X.Allahverdiyevi və Daxili İşlər Nazirliyinin Daxili Qoşunlarında xidmət edən R.Bəxtiyarlını vurub.
Daxili İşlər Nazirliyinin mətbuat xidmətindən AZƏRTAC-a bildiriblər ki, onlar nazirliyin hospitalına yerləşdiriliblər.
Həyata keçirilmiş əməliyyat-axtarış tədbirləri nəticəsində B.Abbasov saxlanılıb. Araşdırma aparılır.
Bölmənin digər xəbərləri
